《作育好多英才》
由富昌證券主辦，為期六個星期嘅「青年躍動實習計劃」今日終於都黎到尾聲喇！喺今次嘅計劃入面，右上角嘅Jack同左上角嘅Ricky加入左我同 李卓穎 Vivian Li 嘅研究團隊，從行業同數據嘅分析，到參觀，同埋試鏡，乜都試渾晒。你地都睇過佢地嘅節目架啦！
今年嘅七月，並唔係一個容易過嘅月份黎。要喺個市倒瀉屎嘅情況下抽時間出嚟，湊住兩個細路，從而教識佢哋睇數據、寫報告，同埋做presentation，查實係吃力架，但係我都盡做。培育下一代唔係用把口講架，係要做！睇住班小朋友一路進步，我自己都開心。
無論係跟左我六個星期嘅，抑或只係短短兩日嘅，我好希望你哋可以將喺富昌攞到嘅經驗，活用喺將來嘅學業同工作之上。同時好好記住我嘅說話：要發掘同突出自己嘅competitive edge，然後話俾你將來嘅僱主知，點解佢要揀你！祈望你地一生受用，祝福你地！
前程似錦～
😌
富昌金融集團控股 #青年躍動實習計劃
Search